di Massimo Codato
GINO
Co’ ‘na sciòna in man,
‘na cima da tajar giusta
par un parancheto novo
che i te ga ordinà sto inverno,
drìo el bancon de a botega
cussi come drìo al trasto,
co’ l’antenèa de sora
che te varda Ti al timon,
come un putèo che te baxa,
te struca de ocio
un vento novo sto giro.
che no ti gavevi mai provà!
Un miracoeo:
Co’ a prora al vento
ea barca camina istesso
su l’acqua che par ojio.
Xe un bel ventexèo
chièto e fresco, sensa colpi,
un misioto de sirocco e garbin
condìo de borin che te inbrassa.
E ti vedi ea barca desso
che camina da soea
intanto che sto sofiar
te compagna, dove Ti Maestro,
anca qua Ti vol provar,
prima de tutti to fioi
inamorai de a to arte,
cossa che xe sto vento novo
che te fa vedar picoea a tera
e grando el mar del cieo.
Grazie Gino
Massimo Codato